icon
O‘zbekiston Respublikasi Prezidentining rasmiy veb-sayti
  • Ўзб
  • O‘zb
  • Рус
  • Eng

Ijtimoiy tarmoqlardagi
rasmiy sahifalar

  • social-icons Telegram
  • social-icons Facebook
  • social-icons Instagram
  • social-icons Twitter
  • social-icons Youtube
icon

Sayt bo‘yicha qidiruv

icon
image_logo
O‘zbekiston Respublikasi Prezidenti
  • Prezident
  • Voqealar
  • Hujjatlar
  • Administratsiya
  • Mediateka
  • Bog'lanish
  • Ўзб
  • Рус
  • Eng

Ko‘rinish

A
A
A

Shrift o‘lchami

0% ga kattalashtirish
O‘zbek va turkman xalqlari do‘stligi festivali ishtirokchilariga

16.11.2022

Muhtaram festival qatnashchilari!

Qadrli do‘stlar!

Avvalambor, Turkmanistonning betakror Dashoguz shahrida bo‘lib o‘tayotgan bugungi do‘stlik festivali yuksak darajada tashkil etilgani uchun Turkmaniston Prezidenti hurmatli Serdar Gurbanguliyevich Berdimuhamedovga hamda barcha tashkilotchilarga o‘zimning chuqur minnatdorligimni izhor etaman.

Hech shubhasiz, o‘zaro tarixiy-madaniy aloqalar o‘zbek va turkman xalqlari o‘rtasidagi ko‘p asrlik birodarlikning mustahkam tamal toshi bo‘lib kelmoqda. Chin qardoshlik va yaxshi qo‘shnichilik rishtalarini yanada kuchaytirishga qaratilgan ushbu muhim tadbir esa elu yurtlarimizning umumiy ezgu maqsadlari va orzu-intilishlari mushtarak ekanini yana bir bor yaqqol tasdiqlaydi.

Qayd etish lozimki, so‘nggi yillarda barcha ustuvor sohalarda mamlakatlarimiz o‘rtasidagi hamkorlikni rivojlantirish borasida ulkan ishlar amalga oshirildi.

Shu o‘rinda Turkmaniston Prezidenti hurmatli Serdar Berdimuhamedovning joriy yil iyul oyida Toshkentga amalga oshirgan tarixiy tashrifi strategik sherikligimizni yanada chuqurlashtirishga katta kuch va shiddat bag‘ishlaganini alohida ta’kidlab o‘tmoqchiman.

Shuningdek, ko‘p qirrali munosabatlarimizning yuksak ishonch va bir-birini qo‘llab-quvvatlash ruhida rivojlanib borishida Turkmaniston Milliy Kengashi Xalq Maslahati raisi muhtaram Gurbanguli Myalikguliyevich Berdimuhamedov Janobi Oliylarining ham misli ko‘rilmagan hissasi borligini aytib o‘tishni istar edim.

 

Hurmatli anjuman ishtirokchilari!

Qardosh xalqlarimiz o‘rtasida madaniy-ma’rifiy aloqalar yil sayin faollashib borayapti, turli konsert va festivallar, ko‘rgazmalar tashkil etilmoqda, madaniyat va kino kunlari o‘tkazilmoqda, yurtimizda turkman milliy madaniyat markazlari ishlamoqda.

Yaqinda O‘zbekiston Yozuvchilar uyushmasi va Fanlar akademiyasi tomonidan tayyorlangan 100 jilddan iborat “Turkiy adabiyot durdonalari” nomli asarlar majmuasining 10 ta jildi turkman adabiyoti namunalariga ajratildi. Ushbu jamlanmadan Ozodiy, Andalib, Maxtumquli, Mullanafas, Berdi Kerbobayev, Xidir Deryayev, Otajon To‘g‘on kabi o‘nlab mashhur mumtoz va zamonaviy shoir-yozuvchilarning sara asarlari joy olgani ayniqsa e’tiborlidir.

Shuningdek, 2018-yilda Toshkent shahrining markaziy ko‘chalaridan biriga turkman xalqining buyuk farzandi, mutafakkir shoir, turkman adabiyotining yorqin namoyandasi Maxtumquli nomi berilib, so‘lim xiyobon barpo etildi, shoir siymosi aks etgan barelef o‘rnatildi.

Xorazm viloyati Urganch tumanidagi “Turkmanlar” mahallasida joylashgan qadimiy “Ulli hovli” yodgorlik majmuasi qayta ta’mirlanib, foydalanishga topshirildi. Poytaxtimiz markazida bunyod etilgan “Ashxobod” bog‘i minglab vatandoshlarimiz va poytaxtimiz mehmonlarining sevimli go‘shasiga aylanib ulgurdi.

Turkmanistonda istiqomat qilayotgan o‘zbeklar uchun alohida e’tibor ko‘rsatib kelinmoqda. Yaqinda betakror Ashxobod shahrida barpo etilgan muhtasham “Toshkent” bog‘i esa o‘zbek va turkman xalqlarining abadiy do‘stligi ramzi bo‘lib qoladi.

Ishonchim komilki, ikki qardosh va azaliy do‘st ellarimizning qalblarini bir-biriga chambarchas bog‘laydigan bu kabi madaniyat bayramlari hamjihatlikdagi sa’y-harakatlarimiz bilan bundan keyin ham izchil davom etadi.

Festivalning barcha ishtirokchilariga mustahkam sog‘liq, baxt-saodat va ezgu faoliyatlarida yangi muvaffaqiyatlar tilayman.

 

Shavkat Mirziyoyev,

O‘zbekiston Respublikasi Prezidenti

logo-icon
O‘zbekiston Respublikasi Prezidenti

Ma'lumotlardan foydalanilganda
www.president.uz ga havola ko‘rsatilishi shart

© 2025 O‘zbekiston Respublikasi Prezidentining rasmiy veb-sayti

Barcha huquqlar himoyalangan

Prezident
  • Maqom
  • Tarjimai hol
  • Mukofotlar
Voqealar
  • Yangiliklar
  • Majlislar
  • Hududlarga safarlar
  • Xorijga tashriflar
  • Xorijiy delegatsiyalar bilan uchrashuvlar
  • Nutqlar
  • Tabriklar
Hujjatlar
  • Farmonlar
  • Qarorlar
  • Farmoyishlar
  • Taraqqiyot strategiyasi
  • Tashabbuslar
Administratsiya
  • Administratsiya to‘g‘risida
  • Rahbariyat
  • Quyi tashkilotlar
Mediateka
  • Fotogalereya
  • Videogalereya

Bog'lanish

Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing

Ishlab chiqilgan:uzf-logo