21.12.2022
Davlat tashrifi bilan mamlakatimizga kelgan Qozog‘iston Prezidenti Qasim-Jomart Toqayev O‘zbekiston Prezidenti Shavkat Mirziyoyev huzurida “Ko‘ksaroy” qarorgohining Faxriy mehmonlar xiyobonida daraxt ekdi.
Marosim O‘zbekiston-Qozog‘iston munosabatlarida yangi davr boshlanayotgani, mamlakatlarimiz o‘rtasidagi strategik sheriklik va ittifoqchilikni qardosh xalqlarimizning farovonligi yo‘lida yanada mustahkamlashga qat’iy intilishning ifodasi bo‘ldi.
Qozog‘iston yetakchisining mamlakatimizga davlat tashrifi asosiy tadbirlari ertaga, 22-dekabr kuni bo‘lib o‘tadi.
Oliy darajadagi muzokaralar bo‘lib o‘tadi, ularning yakunida tarixiy ahamiyatga ega bitimlarning imzolanishi kutilmoqda. Birgalikda yirik investitsiya loyihalarini boshlab berish va OAV vakillari uchun brifing o‘tkazish ko‘zda tutilgan.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
