30.08.2025
O‘zbekiston Respublikasi Prezidenti Shavkat Mirziyoyev Xitoy Xalq Respublikasi Raisi Si Szinpinning taklifiga binoan rafiqasi bilan birga rasmiy tashrif bilan Tyanszin shahriga keldi.
“Binxay” xalqaro aeroportida samolyot oldida davlatimiz rahbarini XXR transport vaziri Lyu Vey va boshqa rasmiylar kutib oldi.
Oliy martabali mehmonlar sharafiga ikki mamlakatning davlat bayroqlari ko‘tarildi, faxriy qorovul saf tortdi.
Tashrif dasturiga muvofiq, O‘zbekiston yetakchisi 31-avgust – 1-sentabr kunlari Shanxay hamkorlik tashkiloti Davlat rahbarlari kengashining navbatdagi majlisi va “SHHT plyus” formatidagi sammit tadbirlarida ishtirok etadi.
O‘zbekiston Prezidenti o‘z nutqida ko‘p tomonlama hamkorlikni yanada mustahkamlash va tashkilot faoliyatini takomillashtirish bo‘yicha muhim tashabbuslarni ilgari suradi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
