29.12.2025
O‘zbekiston Respublikasi Prezidentining FarmoniO‘zbekiston Respublikasi va Saudiya Arabistoni Podshohligi o‘rtasida ko‘p qirrali va o‘zaro manfaatli hamkorlikni har tomonlama rivojlantirish va yangi bosqichga olib chiqish, siyosiy-diplomatik, savdo-iqtisodiy, ilmiy-texnikaviy va madaniy-gumanitar sohalardagi aloqalarni yanada kengaytirishga qo‘shgan ulkan hissasi, xususan, yurtimiz iqtisodiyotiga investitsiyalarni faol jalb etish, ko‘plab muhim yo‘nalishlarda qo‘shma dastur va loyihalarni muvaffaqiyatli amalga oshirish, mamlakatimiz tomonidan ilgari surilayotgan global va mintaqaviy tashabbuslarni qo‘llab-quvvatlash borasidagi alohida xizmatlari, shuningdek, xalqlarimiz orasida do‘stlik va hamjihatlik rishtalarini mustahkamlash yo‘lidagi samarali faoliyati uchun Saudiya Arabistoni Podshohligining O‘zbekiston Respublikasidagi Favqulodda va Muxtor Elchisi Yusuf bin Solih al-Qahra al-Utaybiy «Do‘stlik» ordeni bilan mukofotlansin.
O‘zbekiston Respublikasi Prezidenti
Sh.Mirziyoyev
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
