19.10.2026
Oʻzbekiston Respublikasi Prezidenti Shavkat Mirziyoyev “Traxys” kompaniyasi bosh ijrochi direktori Mark Kristoffni qabul qildi.
Suhbat davomida oʻzaro manfaatli hamkorlikni yanada kengaytirish masalalari muhokama qilindi.
Oʻtgan bir yil davomida “Traxys” kompaniyasi bilan hamkorlik yangi bosqichga koʻtarilgani, jumladan, bitimlar imzolanib, Toshkent shahrida kompaniyaning Markaziy Osiyodagi ilk mintaqaviy ofisi ochilgani taʼkidlandi.
Amerika texnologiyalari asosida muhim minerallar, xomashyoni chuqur qayta ishlash va yuqori qoʻshilgan qiymatga ega sanoat mahsulotlarini ishlab chiqarish boʻyicha qoʻshma loyihalarni amalga oshirishga alohida eʼtibor qaratildi.
“Traxys” kompaniyasi muhim xomashyo va minerallarni yetkazib berish boʻyicha jahonning yetakchi kompaniyalaridan biri hisoblanadi. Kompaniya dunyoning 20 dan ortiq mamlakatida faoliyat yuritib, metallar va minerallarni xarid qilish, logistikasini tashkil etish, moliyalashtirish hamda sotish bilan shugʻullanadi.
Ma'lumotlardan foydalanilganda
www.president.uz ga havola ko‘rsatilishi shart
© 2026 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
