24.07.2026
Oʻzbekiston Respublikasi Prezidenti Shavkat Mirziyoyev va Ozarbayjon Respublikasi Prezidenti Ilhom Aliyevning telefon orqali muloqoti boʻlib oʻtdi.
Ozarbayjon yetakchisi davlatimiz rahbarini tavallud kuni bilan samimiy tabriklab, unga mustahkam sogʻliq, baxt-saodat va masʼuliyatli davlatchilik faoliyatida yangi muvaffaqiyatlar, Oʻzbekistonning koʻp millatli xalqiga esa tinchlik, farovonlik va ravnaq tiladi.
Oʻzbekiston – Ozarbayjon strategik sheriklik va ittifoqchilik munosabatlarini yanada mustahkamlash masalalari koʻrib chiqildi.
Turli darajalardagi muloqotlar davom etmoqda. Oʻtgan hafta Toshkent shahrida boʻlib oʻtgan qoʻshma Hukumatlararo komissiya va Ishbilarmonlar kengashi yigʻilishlarining samarali yakunlari mamnuniyat bilan qayd etildi.
Boʻlajak oliy darajadagi sammitga puxta tayyorgarlik koʻrish, uning iqtisodiy kun tartibini aniq loyihalar va dasturlar bilan boyitish muhimligi taʼkidlandi.
Ma'lumotlardan foydalanilganda
www.president.uz ga havola ko‘rsatilishi shart
© 2026 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
