01.12.2023
Дубай шаҳридаги БМТнинг Иқлим ўзгариши бўйича конференциясида Ўзбекистон Республикаси Президенти Шавкат Мирзиёев Индонезия Президенти Жоко Видодо билан учрашди.
Икки мамлакат ўртасидаги кўп қиррали муносабатларни янада ривожлантириш ва чуқурлаштиришнинг долзарб масалалари муҳокама қилинди.
Барча даражалардаги ўзаро мулоқотларнинг бугунги ҳолати ва икки томонлама савдодаги ижобий суръат мамнуният билан қайд этилди.
Самарали ҳамкорликни, шу жумладан иқтисодий соҳада “йўл харитаси”ни қабул қилиш орқали кенгайтириш бўйича ўзаро мувофиқлашган чораларни давом эттиришдан иккала томон ҳам манфаатдор экани таъкидланди.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
