24.07.2026
Ўзбекистон Республикаси Президенти Шавкат Мирзиёев Қатар Давлати Амири Шайх Тамим бин Ҳамад Ол Соний билан телефон орқали мулоқот қилди.
Суҳбат аввалида давлатимиз раҳбари Қатар Амирининг Яқин Шарқда тинчлик ва барқарорликни таъминлаш борасидаги фаол саъй-ҳаракатларини юқори баҳолади.
Ўзбекистон – Қатар стратегик шериклик ва кўп қиррали ҳамкорлик муносабатларини янги босқичга кўтариш масалалари муҳокама қилинди. Олий ва юқори даражадаги самарали мулоқот ва алмашинувлар фаоллашаётгани алоҳида мамнуният билан қайд этилди.
Телефон суҳбати чоғида сиёсий мулоқот ҳамда савдо-иқтисодий, инвестициявий лойиҳаларни жадаллаштириш бўйича ўзаро мувофиқлаштирилган чора-тадбирларни кўришга келишиб олинди.
Ўзбекистон ва Қатар етакчилари олий даражадаги тадбирлар режаси юзасидан ҳам фикр алмашдилар.
Маълумотлардан фойдаланилганда www.president.uz га ҳавола кўрсатилиши шарт
© 2026 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
