24.07.2026
Ўзбекистон Республикаси Президенти Шавкат Мирзиёевнинг Бирлашган Араб Амирликлари Вице-президенти Шайх Мансур Ол Наҳаён билан телефон мулоқоти бўлиб ўтди.
Суҳбат аввалида Шайх Мансур Ол Наҳаён давлатимиз раҳбарини таваллуд айёми билан самимий муборакбод этиб, унга мустаҳкам соғлиқ, оилавий бахт-саодат ҳамда масъулиятли давлатчилик фаолиятида улкан ютуқлар тилади.
Ўзбекистон билан БАА ўртасидаги стратегик шериклик муносабатларини янада мустаҳкамлаш масалалари кўриб чиқилди.
Ўтган йил январь ойида БААга олий даражадаги ташриф чоғида эришилган келишувлар самарали амалга оширилаётгани мамнуният билан қайд этилди.
Йил бошидан буён савдо айланмаси жадал ўсмоқда, лойиҳаларнинг умумий портфели 20 миллиард доллардан ошди, 400 дан зиёд қўшма корхоналар фаолият юритмоқда. Август ойидан “Etihad Airways” компанияси Абу-Даби – Тошкент йўналишида кунлик авиақатновларни йўлга қўяди.
Яқин мулоқотни давом эттириш, йирик лойиҳаларни жадаллаштириш муҳимлиги алоҳида таъкидланди.
Минтақавий аҳамиятга молик долзарб масалалар юзасидан ҳам фикр алмашилди.
Маълумотлардан фойдаланилганда www.president.uz га ҳавола кўрсатилиши шарт
© 2026 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
